شكلي شخصيه طفلك🌺بطريقه الميزان والشعرايه

انا  عاوزاه ابني يكون متسامح ورحيم عاوزه حنون عاوزه مطيع ومؤدب عاوزاه كريم بس انا برضو عاوزاه ميكنش مطيع عشان مايبقاش شخصيته ضعيفه ويطيع اي حد ويبقا مالهوش  لاشخصيه ولاكلمه ولارآي عاوزاه مايبقاش متسامح  اوي برضو عشان مايتكلش حقه واللي حواليه هيستغلوه وهو هيسامحهم ومش عاوزاه برضوا يكون كريم اوي لحسن هيكون مسرف ومش هيشيل حاجه للزمن ويبقا اللي في جيبه مش ليه مش عاوزاه يكون مؤدب اوي كدا عاوزاه يبقا مفتح برضو ومدردح وعارف الدنيا ماشيه ازاي  الموضوع ده بيدور في عقل كل ست بتربي ابناءها ولقيتها مشكله حقيقيه ولازنلها علاج لان العلاج في ايد الام لان الام هي اللي بتربي انا لققققققيييييييييييت الحل

الحل في الميزان في الشعره لازم عربي ابنك ع ان لازم يكون في شعرايه بين الصفات وهو اللي يستشعرها بنفسه في كل تصرف بيعمله وتدربيه عليها صحيح مش سهله بس مستاهله تعالي اقولك ع مثال

كنت بعلم ابني انه يبقا كريم ومعطاء ومايبخلش ع حد ابدن في حاجه تطلب منه

اجبله كيس شيبسي يوزعه كله ع أصحابه في الكلاس  لغايه ماخلص ومن طيبته وكرمه الزايد اللي ربيته انا عليه بيقولي مابقاش حاجه لادهم زميلي ياماما وانا زعلان انه أدهم ماخدتش من الشيبسي ومايبقلوش حاجه 😔😑😑قولتله وانت يا  ياسين ياحبيبي ابقالك حاجه بصلي كدا وقالي كش مهم انا المهم ادم صاحبي مبقلوش حاجه كررتها تاني وقولتله وانت ياياسين مبقتش حاجه تاكلها قالي لا وسكت قولتله الشيبسي ده بتاع مين قالي بتاع ياسين يعني ماما جايباه لياسين ليه قالي عشان اكله 😁😀😀 وضحك اوي قولتله مين اللي اكله دلوقتي قالي كلهم وياسين مااكلش حاجه قولتله خلاص تاني مره نجيب الشيبسي ناكل منه ولو حد طلب مني اديله غير كدا تاكل بتاعك ياحبيبي كمان اللي يطلب كننا نديله ونعمل حسابنا ان انا هاكل يعني لو ابقا حبه انت عاوز تاكلهم وغيرك قالك عاوز ياكلهم يبقا انت اللي تاكلهم ياياسين عشان ده بتاعك ياقلبي 😀😀😀قالي حاضر

في نهايه احب اقولك انتي اللي بتشكلي شخصيه طفلك وعلميه الشعرايه والميزان في كل تصرف عشان خير الأمور الوسط جزاكم كل خير👋👋

عشان مبقتش تحبني😔😂

 لعبه حلوه العبيها وهتدعيلي فن تبادل الأدوار 

بعد فتره من الجواز والملل داخل في العلاقه وخلاص حبينا وقولنا واتدلعنا وعدت احله الايام وميبقاش في حاجه تحكيها كل الحكاوي خلصت واليوم بقا روتين ممل هو يروح الشغل يرجع يمسك الريموت ويشرح ومايتكلمش وانا قعده طول النهار زهقانه مستنيه  البيه يرجع عشان اتكلم معاه ماليش صحاب مبروحش عند ماما غير يوم واحد في الاسبوع بقيت الاسبوع قعدين وشنا في وش بعض اقوله نخرج مايرضاش يقولي تعبان وان وافق وخرجنا يقعد ساكت اقوله مبقتش تحبني يقولي مين قالك كدا اقوله مابتردش ليه ع تلفونات يقولي مخدتش بالي ولما يرجع البيت يقعد ساكت  اقوله مالك يقولي ماليش عادي يعني لغايه مااتبدلت الأدوار وبقا هو اللي يسألني  مالك ساكته ليه اقوله ماليش عادي اهو التركه في الموضوع انك تبادلي الأدوار يعني بدل ماانتي مستنيه روحي اخرجي جيم وكوني صداقات واخرجي روحي اتعلمتي حاجه جديده في كورسات انشاالله كورشيه طبيخ تمريض اي حاجه اطلعي من البيت وحسسيه انك ليكي اهتماماتك وارجعي بعد يوم طول خروج هو اللي يستناكي ماترجعكيش بقا زي الهبله تحكيله اسكتي بقا خالص ان قالك مالك قوليه مفيش عادي طب عملتي ايه خرجت وكلام قليل اوي اوعي يابت تحكيله حاجه حته لو هتموتي ونفسك تحكيله اوعي لغايه ماهتشوغي الفرق بنفسك هو تأتي يوم هيرجع من الشغل ماتسالهوش عملت ايه اسكتي هو اللي هيجيلك وهيكلم وهيهتم وهيضحك وانتي كمان ارجعي وحده وحده هي التركايه دي صعبه بس مستهله عشان يحس بقيمتك ف حياته ويرجع يهتم بيكي يارب كل واحده تعيش متهنيه وسعيده في بيتها 

الحماه عماه 😑اه والله هكدب ليه

 حماتي ياناس عملت حماتي ياناس😭 سوت انا خلاص تعبت انا خلاص انهارت بيتي هتخربه قومت ابنها عليا ياناس 😔الحقوني  ياعالم دي  حشره مناخيرها في 😑كل صغيره وكبيره دلوني ياخلق خلاص هتطلق اعمل ايه 😢😕تعالي اقولك ياعسل تعملي ايه حبيها من قلبك ومهما عملت ابلعيلها اي غلط اتعاملي معاها بأدب وريها تربيه اهلك فيكي وان غلطت فيكي اسكتي وان اشتكت لجوزك اعملي نفسك مش واخده بالك ضايقتك طنشي كل اللي تعمليه علاقتك بربنا عاملي ربنا في جوزك راضي ربنا في حماتك حبيهم من قلبك اوعي تدخلي عليهم انك هتخدي ابنها منها سيبيهولها هتقوليلي ازاي هقولك ايوا سيبيه. هو ابنها وهي انه وبكره هتبقى ام وهتفهمي الكلام ده خليهم يابنتي يخبوكي واوعى اوعي ماتروحلهاش روحي وودي والله لو رضيتي ربنا فيها ربنا هخليها تحبك وترضا عنك استحملي وقولي جواكي دي امي مش حماتي وامي كانت بتزعقلي عادي لو غلطت فيكي اسكتي شويه مع الوقت هتحبك وهتشتكليلك من ابنها كمان شوفتي بقا ساعتها اقفى في صفها دي امه وده ابنها خليها ترضا عنه هتكسبي دنيا وآخره اوعي تخليه في صفك ضدها حته لو انتي ع حق خليكي رحيمه يابنتي واتأكد لو ماتت وهي مش راضيه عن ابنها مش هيكسب في الدنيا احنا عايشين بدعواتهم لينا اوعي تقولي الحمه عمى دي هي الام اللي ربت واللي علمت وكبرت وصدقيني كل صفه في جوزك😍 لقيتها حلوه فيه وكل تصرف صالح ع🤗👌مله معاكي ده الفضل كله ليها فيه حبيها 😍😍يابنتي وحبي جوزها والله والله الدنيا هتحبك

انهم بشر ياساده ليست ملائكه🌺

المسافه في العلاقات هي الحل

كم مره تعاملت مع حد واحببته وزرعت في قلبك له كل الموده والحب والود أعطيته كل معاني الحب وهو لم يقابل هذا الحب  بالمثيل ثم بعدها شعرت بالخزلان شعرت بعدم الثقه بنفسك انك لا تستحق الحب لاتستاهل الود والقرب لك من صديق أو حبيب أو عاشق لماذا لايبادلونا الحب لماذا أليس لكل فعل رد فعل أليس من يعطي الخير يلاقي الخير احب اقولك انت على خطآ تعالى اقولك على أول قاعده حتى تجد مايحبك  حب نفسك لابد من أن تبديها بحبك ليها عن غيرها من الناس يعني تحب نفسك هتقولي ابقا اناني هقولك ابقا  تعرف انك ممكن تحب نفسك وتتصالح معاها وتصاحبها ده اجدع من ميت حبيب وصاحب غير جدير بالثقه والحب افتكر مره كنت بحب واحده صحبتي وكنت فكراها صاحبه عمري وطلعت بيها من الدنيا لدرجه اني بحبها اكتر من نفسي لو عاوزه حاجه وهي عايزه عكسها اتنازل واعمل اللي هي عاوزاه ماكنش عندي اي مشكله اني اكمل معاها حياتي في تنازل دايمن لاتفيذ الحاجه اللي بتحبها بغض النظر انا عاوزه ايه مش مهم لغايه ماجه يوم اتعرضت فيه لازمه في حياتي وكنت مستنياها تقف جنبي مالقيتهاش اتصل مابتردش بعدت عني ولما الازمه عدت ورجعت وقفت على رجلي اتصلت بيا وعاوزه ترجع كل حاجه زي مكانت كآن محصلش منها حاجه عاوزه تنزل تخرج تقابلني ونحكي وناكل ونتفسح انا مافوقتش غير وقتها بس لما سألتها قولتلها انتي كنتي فين كلمتك ماردتيش وانتي عارفه الازمه اللي كنت فيها  انا كنت محتجاكي جنبي  ردت قالتلي انا كنت مش فاضيه وقتها معلش بقا المهم هشوفك  أمته طبعن صعقت من الرد بتاعها وانها مش بطمن عليا كل اللي عاوزاه انها عاوزه اخرج ونتفسح مع حد مفرفش مش كئيب يكئبها ويضيع فرفشه القعده اللي هتقعدها من بعدها بقيت احط مسافه في اي علاقه ادخلها حتى مع حبيبي المسافه الامنه اللي تخليني متوقعش اكتر من اللازم المسافه  اللي تخليني مااخسرش نفسي ولا اخسر حد المسافه اللي تخليه يحترمني غصب عنه ويحترم اختياراتي المسافه اللي فيها حدود أمنه محدش يتعدا حدوه معايا لان انا مش هحبك   اكتر من نفسي انا اناني ايوا اناني وبحب نفسي وهبديها  عليك في النهايه المسافه دي اسمها اللي قدامي ده بشر مش ملاك متوقع منه أي حاجه ومتوقع اي خطآ عشان احنا مش معصومين من الخطأ 🌺🌺🌺🌺♥️

فين عزة نفسك 😑😑

كام مره اتكسرت فيها وكام مره اتوجعت فيها وكان مره اتخزلت فيها من اقرب ما ليك من اخ من صاحب قريب للقلب من حبيبي عاشق كاذب غدار كام مره اتنازلت فيها عن عزتك وكرامتك وكبريائك عشان تعيش كام هانك مدير عشان تاكل        عيش كام مره حسيت فيها انك عاوز تموت كل حاجه منعاك تعيش بعزة نفس وكرامه احساس انك تستحمل عشان عيالك احساس اليم احساس انك تستحمل عشان لقمة عيشك احساس موجع احساس انك تستحمل اي علاقه مش مريحه شبه فاشله عشان عاوز تعيش وتربى عيالك في وسط اسره سويه علي اعتقادك المريض بآنهم بهذا الحال المريض هيتربوا ويبقوا احسن ناس وانت بتربي جواهم عقد نفسيه هيطلعوها في أولادهم وهيمرروا نفس التجربه مع شريكهم هيطبقوا كل اللي شافوه وعاشوه معاك في أسرتك الغير سويه نفسيا على أولادهم بيتهم هيصبح نسخه طبق الأصل من بيتك اللي ربيتهم فيه نفس عقدك مشاكلك النفسيه نفس تحملك لاشياء كانت حقيقيه عندك ولكن ستصبح وهميه عندهم نعم هيحسوها في كل فعل في كل خطوه في حياتهم مع شريكهم واولادهم ولكن هي اكذوبه فقط التعود حيث التعود على العقده والحرب النفسيه مؤكد اللي اطبق عليه هيطبقه على غيره وهكذا حتى أصبحنا أجيال مهزوزه مخلخله غير واثقه من حالها لا يعتمد عليها حتى ولو كان مش موجود ووهم الحياه صعبه وحتى اللي بيقولوا عليه مولود في بوقه معلقه ذهب ولا بيضاله في القفص اكيد مر برضو بمأساه في حياته عقده نفسيه حياته كئيبه ماهي دنيا يعني من الدناوه مش من الضنا والحضن ابدآ لذلك اكتب مدونتي هذه لكل واحد بيقرأها لابد أن يعرف ان لايوجد شخص ع وجه الأرض مرتاح ابدآ والله لا اللي معاه فلوس ولا اللي فقير ومش معاه كلنا مش مرتاحين دايمن في حاجه نقصه اوقات بحس ان النقصان في الأرزاق دي نعمه عشان تفضل نسعى ونسعى لان لو في كمال هيحصل ملل ورتابه الحياه هتمشي ع وتيره واحده نفس النمط لا أحد يسعى لشيئ لا لكسب مال ولا لكسب حب الناس ولا لكسب رضا الله ولا لكسب ثقه الناس الحياه مجهده متعبه قال تعالى لقد خلقنا الإنسان في كبد 

 صدق الله العظيم